O deseño desta liga que comezou o 7 de febreiro e terminou o 13 de setembro obrigou ás entidades galegas de piragüismo a participar nun total de 29 competicións.
Estas regatas, que conforman o calendario galego, diferéncianse en tres subligas: Copas de Galicia de Promoción (categoría infantil), Copa de Galicia de Pista (augas tranquilas) e Copa de Galicia de Ríos e Travesías.
Os de Pontedeume que, do mesmo xeito que o resto dos clubs, estaban obrigados a elixir os seus cinco mellores resultados en cada unha das Copas, conseguiron 1014 puntos, avantaxando en catro puntos ao club As Torres de Catoira e en 19 puntos ao Piragüismo Illa de Arousa.