20 de abril de 2009
YERAY PICALLO 3º NA REGATA NACIONAL DE 1000 M

- MIRELLA LOURÉS E CRISTINA VÁZQUEZ, 2ª E 3ª EN C-1 MULLER CADETE, O C-2 CADETE DE BRAIS CASÁS E JUAN CARLOS VARELA 3º.
- EXCELENTE ACTUACIÓN DO FIRRETE QUE REMATOU 4º POR CLUBS NA REGATA NACIONAL DE 1000 M QUE SE DISPUTOU A PASADA FIN DE SEMANA EN TRASONA CON MÁIS DE 85 CLUBS DE TODA ESPAÑA.

Yeray Picallo completou unha excelente competición na proba de c-1 Senior logrando a 3ª posición, sendo superado por Jose Luis Bouza del Kayak Tudense e polo Campión Olímpico David Cal. A medalla ten un gran mérito tendo en conta que nesta proba celebrada en Trasona ( Avilés), estaban os mellores especialistas de todo o panorama nacional.

Yeray mostrou un grande estado de forma e este resultado avala a súa preparación para loitar por unha praza para o próximo Campionato do Mundo que se celebrará en Darmouth ( Canada ) en agosto.

Na mesma proba Miguel Soro tamén competiu a un gran nivel e rematou 2º na final B, un moi bo resultado tendo en conta que é o seu
primeiro ano como senior. O resto da expedición eumesa completou tamén unha grande fin de semana; grande actuación de Mirella Lourés (prata) e Cristina Vázquez ( bronce ) que xunto a Ollala García (7ª)y Noemi Castro (8ª) dominaron a final de c-1 muller cadete.

Bronce para Brais Casás e Juan Carlos Varela en c-2 cadete, e 7ª posición para Pablo García e Iago Ferreira na mesma regata. Brais foi ademais 7º en final A e Juan Carlos 4º en final B en c-1 cadete. En k-2 muller cadete Andrea Pérez e Olalla García completaron unha grande final B na que se impuxeron a todos os seus rivais.

O Firrete afianza con este 4º posto por clubs a súa candidatura a estar entre os mellores na Liga Nacional. A próxima cita para o equipo de Pista será o 9 e 10 de maio coa disputa da Copa de España de Pista de 500 m tamén no encoro asturiano de Trasona.