18 de septiembre de 2008  Miguel Soro, canoista de categoría junior do Naútico Firrete partiu o pasado martes cara á República Checa xunto ao resto do equipo español que vai participar no Campionato do Mundo de Maratón. Miguel está realizando adestramentos desde o pasado mércores en augas checas, concretamente en Vn Nad Vltavou, unha pequena poboación a 70kms ao sur de Praga, que este fin de semana converterase en Capital mundial do Piragüismo. As sensacións do padexeiro eumés son excelentes, a súa preparación vai segundo o guión e Miguel espera motivadísimo que chegue o sábado 20, día marcado en vermello no seu calendario en que se celebrará a súa proba. Serán 21,5 kms con cinco porteos nos que se medirá aos representantes dos máis de trinta países participantes. Miguel Soro atópase moi ben e nas últimas horas declarou que o seu obxectivo é a medalla. O responsable nacional de Maratón Don José Andrés Román, manifestou a súa confianza en Miguel e cre que tanto él, como o seu compañeiro no equipo nacional, Miguel Salgado son claros favoritos a subir ao podio.
|
